وصفة سهلة لتطويل وتنعيم الشعر بسهولة

السلام عليكم ورحمة الله وبركاته

ازيكم ياقمرات يااحلي عضوات في منتدي البنات منتدي بنات العالم العربي

جايبالكوا وصفة سهلة بتطول الشعر وبتنعمه بسهولة جدا وبتلمعه وبتمنع التقصيف كمان

هنحتاج :

زيت دابر أملا الأصلي بزيت الزيتون

وده سعره بقا ياقمرات ال400 مل ب19 جنيه تقريبا في مصر بس برا مصر اغلي يعني ممكن يكون 30 درهم مثلا

وهنحتاج بردو مياه دافية هنحتاجها في الآخر خالص

نروح بقا للفوائد بتاعته

اول حاجة بينعم الشعر وبيطوله وبيمنع التقصييف جدا وده بيظهر في اول غسلة كمان وكمان الشعر الناعم بينعم اكتر

تاني حاجة بقا بيلمع الشعر بصورة رهيبة

تالت حاجة بقا يا زائر بيطول الشعر بسرعه فظيعه لأنه بيحتوي علي ثمار الأملج ودي مختصة في تطويل الشعر وتغذيه جزوره

طريقة استخدامه بقا ياقمرات ( ملحوظه هنحطه علي شعرنا قبل غسيله بالشامبو )

هنحط شوية علي ايدينا ونحطها علي شعرنا ونوزعها كويس جدا جدا بس منزودش كتير ولا نقلل كتير يعني خلينا وسط

بعد اما عملنا الخطوة السابقة ياقمرة نلف شعرنا في كيس بلاستيك لو حابين عشان يغذي الشعر باكمله

نسيبه علي شعرنا من 3 الي 5 ساعات

بعد اما نسيبه علي شعرنا نغسله بمياه فاتره المرة الاولة وبعدها بربع ساعة نغسله بالشامبو

بالنسبة بقا ياقمرة لريحته :

ريحته بتروح بعد يوم او اتنين وبعدين اما بنغسله كويس بالشامبو بيروح من ريحته 80%

واصلا ريحته جميله ريحة زيت الزيتون الطبيعي

بعد اما نغسله بالشامبو بقا نلفه طاقيه 6 ساعات يمين وبعدين نفكها ونلفه 6 ساعات للجهه التانية اللي هي الشمال

نفضل نعمل نفس اللي عملناه كل اسبوع وفي شهرين هنبقا عاملين زي كدا ان شاء الله :

نورتي الموضوع ياقمرات

في رعاية الله

ريرى

يسلمو ايديك ياقمر